கார் மீது பேருந்து மோதி விபத்து : 6 பேர் பலி!

சேலம் மாவட்டம் சங்ககிரி அருகே கார் மீது பேருந்து மோதியதில் காரில் பயணம் செய்த 6 பேர் பரிதாபமாக உயிரிழந்தனர்!

சென்னை விருகம்பாக்கத்தைச் சேர்ந்த சுந்தர்ராஜன் (வயது 75) தனது மனைவி, மகன்களுடனும், உறவினர்களுடனும் சேலத்தில் உள்ள தனது மகள் வீட்டிற்கு ஒரு நிகழ்ச்சிக்காக சென்றுக் கொண்டிருந்தனர்.

சேலம் மாவட்டம் சங்ககிரி அருகே, ஈரோட்டிலிருந்து ஓமலூர் நோக்கிச் சென்றுக் கொண்டிருந்த பேருந்து, கார் மீது மோதியதில் சுந்தர்ராஜன், அவரது மனைவி செளந்தரம், மகன்கள் வெங்கடசுப்பிரமணியன், சுரேஷ், ஒரு வயது குழந்தை, கார் ஓட்டுநர் ஆகிய 6 பேர் உயிரிழந்தனர்.

இந்த விபத்தில் பேருந்தில் பயணம் செய்த 7 பேர் காயமடைந்தனர். அவர்கள் சங்ககிரி மருத்துவமனையில் சிகிச்சைக்காக சேர்க்கப்பட்டனர்.