நேபாளத்தில் விமானம் நொறுங்கி விழுந்து விபத்துக்குள்ளானதில் 22 பேர் பலியாகினர்.
நேபாளத்தில் லேமிதண்டா விமான நிலையத்தில் இருந்து தலைநகர் காட்மாண்டு நோக்கி பயணிகள் விமானம் ஒன்று நேற்று புறப்பட்டது.
அதில் 19 பயணிகளும், 3 சிப்பந்திகளும் இருந்தனர். இந்நிலையில், விமானம் புறப்பட்ட சிறிது நேரத்தில் மாயமானது. இதையடுத்து விமானத்தை கண்டுபிடிக்கும் பணியில் 2 ஹெலிகாப்டர்கள் ஈடுபடுத்தப்பட்டன.
இன்று காலையில் அந்த விமானம் கிழக்கு நேபாளத்தின் மலைப்பகுதியில் விழுந்து நொறுங்கி கிடந்தது கண்டு பிடிக்கப்பட்டது. மீட்பு குழுவினர் ஹெலிகாப்டரில் சென்று இறங்கி மீட்பு பணியில் ஈடுபட்டனர். 20 பேர் உடல்கள் மீட்கப்பட்டன.
மேலும் 2 பேர் உடல்களை தேடும்பணி நடக்கிறது. இந்த விமான விபத்து குறித்து விசாரணைக்கு உத்தரவிடப்பட்டுள்ளது.
