ஏ.ஆர்.ரஹ்மானுக்கு இங்கிலாந்து திரைத்துறை விருது

ஹாலிவுட் படமான ஸ்லம்டாக் மில்லினியருக்கு சிறப்பாக இசையமைத்ததற்காக தமிழக இசையமைப்பாளர் ஏ.ஆர்.ரஹ்மானுக்கு இங்கிலாந்து திரைத்துறை மற்றும் தொலைக்காட்சிகளுக்கான பாஃப்தா ( BAFT A) விருது வழங்கப்பட்டுள்ளது.

லண்டனில் நேற்று நடைபெற்ற விருது வழங்கும் விழாவில், ஹாலிவுட் இயக்குனர் டோனி போயல் இயக்கிய ‘ஸ்லம்டாக் மில்லியனர ் ’ சிறந்த படம், சிறந்த இயக்குனர், சிறந்த இசையமைப்பாளர் என மொத்தம் 7 பிரிவுகளில் விருதுகளைத் தட்டிச் சென்றது,

ஸ்லம்டாக் மில்லியனர் படத்திற்கு சிறப்பாக இசையமைத்ததற்காக கடந்த சில தினங்களுக்கு முன் ‘கோல்டன் குளோப ் ’ விருதை பெற்ற ஏ.ஆர்.ரஹ்மான், தற்போது இங்கிலாந்து திரைத்துறையின் பாஃப்தா விருதையும் பெற்றுள்ளார். இவ்விருதைப் பெறும் முதல் இந்திய இசையமைப்பாளர் என்ற பெருமையையும் இதன் மூலம் ஏ.ஆர்.ரஹ்மான் பெற்றுள்ளார்.

ரசுல் பூக்குட்டிக்கு விருது: கேரளாவைச் சேர்ந்த ரசுல் பூக்குட்டிக்கு சிறந்த ஒலித் தொகுப்புக்கான பாஃப்தா விருது ஸ்லம்டாக் மில்லியனருக்காக வழங்கப்பட்டுள்ளது. ஒரே தருணத்தில் இந்தியாவைச் சேர்ந்த இருவருக்கு பாஃப்தா விருது வழங்கப்பட்டுள்ளது இந்தியர்களை பெருமிதத்தில் ஆழ்த்தியுள்ளது.