இஸ்ரேலில் பேருந்து விபத்து: 24 பேர் பலி

இஸ்ரேலின் நெஜெவ் பாலைவனத்தில் உள்ள பள்ள‌தாக்கில் பேருந்து கவிழ்ந்து விபத்துக்கு‌ள்ளான‌தி‌ல் 24 பேர் உயிரிழந்துள்ளனர். மேலும் 33 பேர் காயமடைந்ததாக தெரிவிக்கப்பட்டுள்ளது.

விபத்திற்கு உள்ளான பேருந்தில் ரஷ்ய சுற்றுலா முகவர்கள் பயணம் செய்ததாக தகவல்கள் தெரிவிக்கின்றன.

பள்ள‌தாக்கில் கவிழ்ந்த போது, பல பயணிகள் பேருந்தில் இருந்து வீசியெறியப்பட்டதாகவும், காயமடைந்தவர்களில் 23 பேரது நிலை கவலைக்கிடமாக உள்ளதால் பலி எண்ணிக்கை உயரலாம் என்றும் மீட்புக்குழுவினர் கூறியுள்ளனர்.