செப்டம்பர் 6-இ‌ல் பாக்.அதிபர் தேர்தல்!

பாகி‌ஸ்தான் அதிபர் தேர்தல் செ‌ப்டம்பர் 6-ஆம் தேதி நடைபெறும் என்று அந்த நாட்டு தேர்தல் ஆணைய‌ம் அ‌றி‌வி‌த்து‌ள்ளது.

அ‌திப‌ர் தே‌ர்த‌லி‌‌ல் போ‌ட்டி‌யிடுவத‌ற்கான வேட்பு மனுக்கள் ஆகஸ்ட் 26 முத‌ல் பெற‌ப்படு‌ம் எ‌ன்று பா‌கி‌ஸ்தா‌ன் தே‌ர்த‌ல் ஆணைய‌ச் செயல‌ர் தெ‌ரி‌வி‌த்தா‌ர். வேட்பு மனுவை திரும்பப் பெற கடைசி நாள் ஆகஸ்ட் 30 ஆகு‌ம்.

பா‌கி‌ஸ்தா‌ன் அதிபர் பத‌வி‌யி‌ல் இரு‌ந்து பர்வேஸ் முஷாரஃப் கடந்த திங்களன்று விலகியதை தொடர்ந்து, அடுத்த அதிபரை‌த் தே‌ர்‌ந்தெடு‌க்க வேண்டிய நிலை ஏற்பட்டது.

பாகிஸ்தான் அரசியல் சட்ட விதிகளின்படி அதிபர் பதவி விலகிய நாளிலிருந்து 30 நாட்களுக்குள் தேர்தல் நடத்த வேண்டும்.