பங்குச் சந்தையில் சரிவு!

தேசிய, மும்பை பங்குச் சந்தைகளில் காலையில் வர்த்தகம் தொடங்கும் போது குறியீட்டு எண்கள் சரிந்தன.

செபி நேற்று அந்நிய முதலீட்டு நிறுவனங்கள் பங்கேற்பு பத்திரங்கள் மூலம் ( PE-Not e) முதலீடு செய்யும் விதிகளை தளர்த்தும் என்று எதிர்பார்‌க்கப்பட்டது. இதில் எந்த முடிவும் எடுக்கப்படவில்லை.

பிரதமரின் பொருளாதார ஆலோசனை குழு பொருளாதார வளர்ச்சி 7.7 விழுக்காடாக குறையும் என்று அறிவித்தது. அத்துடன் பணவீக்கம் 13% அதிகரிக்கும் என்று அறிவித்துள்ளது.

உலக சந்தையில் கடந்த ஒரு வாரமாக குறைந்து வந்த கச்சா எண்ணெய் விலை மீண்டும் அதிகரிக்க துவங்கியது. நேற்று நியூயார்க் சந்தையில் 3 டாலர் அதிகரித்து, 1 பீப்பாய் 136 டாலராக உயர்ந்தது.

இன்று மத்திய அரசு பணவீக்கம் பற்றிய அறிவிப்பை வெளியிடும். பணவீக்கம் 12.21 விழுக்காடாக இருக்கும் என்று எதிர்பார்க்கப்படுகிறது.

இது போன்ற காரணங்களினால் பங்குச் சந்தை தொடர்ந்து சரிவை சந்தித்து வருகிறது. இன்றும் இதே நிலையே நீடிக்கும் என்று தெரிகிறது.

காலை 10.05 மணியளவில் சென்செக்ஸ் 154.85, நிஃப்டி 36.65 புள்ளி குறைந்தது.

இந்திய பங்குச் சந்தைகளில் மட்டுமல்லாமல் நேற்று அமெரிக்கா, ஐரோப்பிய பங்குச் சந்தைகளிலும் பாதகமான நிலை இருந்தது.

மும்பை பங்குச் சந்தையில் காலை 10.20 மணியளவில் 581 பங்குகளின் விலைகள் அதிகரித்து இருந்தது. 1003 பங்குகளின் விலைகள் குறைந்து இருந்தன. 47 பங்குகளின் விலைகளில் எவ்வித மாற்றமும் இல்லை.

காலை 10.30 மணி நிலவரப்படி மும்பை பங்குச் சந்தையின் சென்செக்ஸ் 240.55 புள்ளி குறைந்து குறியீட்டு எண் 14,852.57 ஆக குறைந்தது.

தேசிய பங்குச் சந்தையின் நிஃப்டி 62.95 புள்ளி குறைந்து குறியீட்டு எண் 4466.10 ஆக குறைந்தது.

மும்பை பங்குச் சந்தையின் மிட் கேப் 62.15, சுமால் கேப் 40.85, பி.எஸ ்.இ. 500- 86.17 புள்ளி குறைந்தது.

ரியல் எஸ்டேட், வங்கி, நுகர்போர் பொருட்கள், மின் உற்பத்தி, வாகன உற்பத்தி, பொதுப்துறை பிரிவு பங்குகள் கடுமையாக பாதிக்கப்பட்டன.

அந்நிய முதலீட்டு நிறுவனங்கள் நேற்று நடந்த வர்த்தகத்தில் ரூ.1,712.37 கோடி மதிப்புள்ள பங்குகளை வாங்கின. இவை ரூ.2,627.95 கோடி மதிப்புள்ள பங்குகளை விற்பனை செய்தன.

இவை நேற்று ரூ.915.58 கோடி மதிப்புள்ள பங்குகளை விற்பனை செய்துள்ளன.

உள்நாட்டு முதலீட்டு நிறுவனங்கள் ரூ.892. 39 கோடி மதிப்புள்ள பங்குகளை வாங்கின. இவை ரூ.666.27 கோடி மதிப்புள்ள பங்குகளை விற்பனை செய்துள்ளன.

இவை நேற்று ரூ.226.12 கோடி மதிப்புள்ள பங்குகளை வாங்கியுள்ளன.

ஆகஸ்ட் மாதத்தில் நேற்று வரை அந்நிய முதலீட்டு நிறுவனங்கள் 1,364.58 கோடி மதிப்புள்ள பங்குகளை விற்பனை செய்துள்ளன.

இந்த வருட துவக்கத்தில் இருந்து ஆக.13 ஆம் தேதி வரை அந்நிய முதலீட்டு நிறுவனங்கள் ரூ.65,130.58 கோடி மதிப்புள்ள பங்குகளை விற்பனை செய்துள்ளன.

ஐரோப்பாவில் நேற்று எல்லா பங்குச் சந்தைகளிலும் குறியீட்டு எண் குறைந்தன. பிரிட்டனின் எப்.டி.எஸ்.இ 100- 85.90 புள்ளி குறைந்தது.

அமெரிக்க பங்குச் சந்தையில் நேற்று நடந்த வர்த்தகத்தில் டோவ் ஜோன்ஸ் 109.51, நாஸ்டாக் 1.99 எஸ ்& பி 500-3.76 புள்ளி குறைந்தது.

இன்று ஆசிய நாடுகளின் பங்குச் சந்தைகளில் சிலவற்றில் சாதகமாகவும், சிலவற்றில் பாதகமாகவும் இருந்தன.

ஜப்பானின் நிக்கி 25.06, ஹாங்காங்கின் ஹாங்செங் 54.47, சிங்கப்பூரின் ஸ்டெய்ர்ட் டைம்ஸ் 2.82, சீனாவின் சாங்காய் காம்போசிட் 16.35, புள்ளி குறைந்தது.

தென் கொரியாவின் சியோல் காம்போசிட் 1.36, இந்தோனேஷியாவின் ஜகார்த்தா காம்போசிட் 21.21, தைவானின் தைவான் வெயிட் 13.90. புள்ளி அதிகரித்தது.