சென்செக்ஸ் 524, நிஃப்டி 145 புள்ளிகள் உயர்வு!

பங்குச் சந்தைகளில் காலையில் வர்த்தகம் தொடங்கும் போது அதிகரித்த குறியீட்டு எண்கள் இடையில் குறைய ஆரம்பித்தன. ஆனால் நண்பகல் சுமார் 12.45 மணிக்கு பிறகு தொடர்ந்து சென்செக்ஸ், நிஃப்டி குறியீடுகள் அதிகரித்தன.

பணவீக்கம் 12 விழுக்காடுக்கும் மேல் இருக்கும் என்ற எதிர்பார்ப்பு நிலவியது. மத்திய அரசு நேற்று பணவீக்கம் 11.91 என்று அறிவித்தது. இது அதற்கு முந்தைய வாரத்தைவிட 0.2 விழுக்காடு மட்டுமே அதிகம்.

அத்துடன் கச்சா எண்ணெய் விலை குறைந்து வருவதும் பங்குச் சந்தையில் நம்பிக்கை ஏற்படுத்தும் அம்சமாக இருந்தது. இதனால் இன்று இரண்டு பங்குச் சந்தைகளிலும் தகவல் தொழில் நுட்ப பிரிவு தவிர மற்ற பிரிவுகளின் பங்கு விலைகள் கணிசமாக அதிகரித்தன.

இறுதியில் மும்பை பங்குச் சந்தையின் சென்செக்ஸ் 523.55 புள்ளிகள் அதிகரித்து குறியீட்டு எண் 13,635.40 ஆக அதிகரித்தது.

ஐரோப்பிய பங்குச் சந்தைகளின் ஆஸ்திரேலியா, நெதர்லாந்து தவிர மற்றவைகளில் குறியீட்டு எண்கள் அதிகரித்தன. மாலை 4.50 மணி நிலவரப்படி பிரிட்டனில் எப்.டி.எஸ்.இ.-100 30.70 புள்ளி அதிகரித்தது.

அதே போல் தேசிய பங்குச் சந்தையின் நிஃப்டி 145.05 புள்ளி அதிகரித்து குறியீட்டு எண் 4,092.25 ஆக அதிகரித்தது.

மும்பை, தேசிய பங்குச் சந்தையில் இன்று நடந்த வர்த்தகத்தில் 1,636 பங்குகளின் விலை அதிகரித்தது, 980 பங்குகளின் விலை குறைந்தது, 90 பங்குகளின் விலைகளில் எந்த மாற்றமும் இல்லை.

மும்பை பங்குச் சந்தையின் மிட் கேப் பிரிவு 84.05 சுமால் கேப் 68.77 ப ி. எஸ ். இ.100- 243.85 பி.எஸ்.இ. 200-53.54 பி.எஸ்.இ.-500 158.71 புள்ளிகள் அதிகரித்தது.

இன்று நடந்த வர்த்தகத்தில் வங்கி, பெட்ரோலிய நிறுவனங்கள், நுகர்வோர் பொருட்கள் ஆகியவற்றின் பங்கு விலைகள் குறிப்பிடதக்க அளவு அதிகரித்தன. உலோக உற்பத்தி, தகவல் தொழில் நுட்ப பங்கு விலைகள் குறைந்தன.

தேசிய பங்குச் சந்தையில் நிஃப்டி ஜூனியர் 189.80, பாங்க் நிஃப்டி 354.40, சி.என்.எக்ஸ்.100- 135.55, சி.என்.எக்ஸ். டிப்டி 115.60, சி.என்.எக்ஸ். 500- 101.90, சி.என்.எக்ஸ். மிட் கேப் 103.15, மிட் கேப் 50- 41.15, புள்ளிகள் அதிகரித்தது. சி.என்.எக்ஸ். ஐ.டி மட்டும் 65.75 புள்ளிகள் குறைந்தது.

மும்பை, தேசிய பங்குச் சந்தையில் சென்செக்ஸ் பிரிவில் உள்ள பங்குகளில் ஐ.டி.எப்.சி. பங்கு விலை 15.47%, ஐ.சி.ஐ.சி.ஐ வங்கி 12.05%, இந்தியன் வங்கி 10.08%, எஸ்ஸார் ஷிப்பிங் 9.99%, ஓ.ஆர்.ஜி இன்போ 20.17%, அரிகந்த் 13.76%, பெட்ரோ இன்ஜினியரிங் 13.61% அதிகரித்தன.