பங்குச் சந்தை ஏற்ற இறக்கம்

பங்குச் சந்தையில் இன்றும் நேற்று போலவே ஏற்ற இறக்கமாக உ‌ள்ளது.

காலையில் வர்த்தகம் தொடங்கிய முதல் பத்து நிமிடத்திலேயே சென்செக்ஸ் 95.83 புள்ளிகள் சரிந்தது. இதே போல் நிஃப்டி 40.55 புள்ளிகள் சரிந்தன.

இந்த நிலைமை முதலீட்டு நிறுவனங்கள் இலாபம் பார்ப்பதற்காக பங்குகளை விற்பனை செய்ததினால் குறீயீட்டு எண்கள் சரிந்தன.

அந்நிய நாட்டு பங்குச் சந்தைகளிலும் பங்குகளின் விலைகள் சரிந்தது. இதன் தாக்கமும் குறியீட்டு எண்கள் சரிந்ததற்கு மற்றொரு காரணம் என்று வர்த்தகர்கள் தெரிவித்தனர்.

மும்பை தேசிய பங்குச் சந்தைகளில் சென்செக்ஸ், நிஃப்டி பிரிவு குறியீட்டு எண்கள் குறைந்ததாலும், மற்ற பிரிவு பாதிக்கப்படவில்லை. இவைகளின் குறியீட்டு எண்கள் உயர்ந்தே காணப்படுகின்றன.

மும்பை பங்குச் சந்தையில் காலை 11.15 மணி நிலவரப்படி சென்செக்ஸ் 21.64 புள்ளிகள் அதிகரித்து இருந்தது.

மும்பை பங்குச் சந்தையின் மிட் கேப் 95.48, சுமால் கேப் 202.51, பி.எஸ்.இ-500 35.39 புள்ளிகள் அதிகரித்து இருந்தன.

இதே போல் தேசிய பங்குச் சந்தையில் பாங்க் நிஃப்டி, சி.என்.எக்ஸ் 100 ஆகிய இரண்டு பிரிவு குறியீட்டு எண்கள் மட்டும் குறைந்து காணப்பட்டன.

மும்பை பங்குச் சந்தையின் சென்செக்ஸ் பிரிவில் உள்ள பங்குகளில் சத்யம். எஸ்.பி.ஐ., விப்ரோ, ஏ.சி.சி., அம்புஜா சிமென்ட், கிரேசம், ஹெச்.டி.எப்.சி., ஹெச்.டி.எப்.சி. வங்கி, எல்.அண்ட்.டி., மகேந்திரா அண்ட் மகேந்திரா, டாடா மோட்டார்ஸ், பஜாஜ் ஆட்டோ, பார்தி ஏர்டெல், ரிலையன்ஸ் இன்டஸ்டிரிஸ், ஐ.சி.ஐ.சி.ஐ. வங்கி, எஸ்.பி.ஐ., இன்போசியஸ் ஆகிய நிறுவனங்களின் பங்கு விலை குறைந்து இருந்தது.

சிப்லா, ஹின்டால்கோ, ஐ.டி.சி., மாருதி,என்.டி.பி.சி, ஓ.என்.ஜி.சி., ரிலையன்ஸ் எனர்ஜி, ரிலையன்ஸ் கம்யூனிகேஷன்ஸ், டி.எல்.எப்,ரான்பாக்ஸி ஆகிய நிறுவனங்களின் பங்கு விலை அதிகரித்து இருந்தது.