ஆசிரியருக்கு நன்றிச் செய்தி

இங்கே சில நன்றிச் செய்திகள் தரப்பட்டுள்ளன. இவற்றை நீங்கள் பயிலும் ஆசிரியருக்கோ அல்லது பயிற்றுவித்து உங்களால் மறக்க முடியாத ஆசிரியருக்கோ மின்னஞ்சல் செய்தி, செல்பேசி குறுஞ்செய்திகளாகவோ அனுப்பி உங்களது நன்றியை உணர்த்தலாம்.

* எங்கள் வாழ்வில் நாங்கள் எந்த உயரிய இடத்திற்குச் சென்றாலும், இந்த இடத்திற்கு எங்களைக் கொண்டு வர உதவிய உங்களை எப்பொழுதும் நினைத்திருப்போம். நன்றி ஆசிரியரே.

* அன்பு, ஒழுக்கம், ஆற்றல், அறிவு, நட்பு என அனைத்தும் ஒன்று சேர்ந்த தோற்றமாக இருக்கும் எனது ஆசிரியருக்கு நன்றி.

* எங்களுக்கு அறிவளித்து, ஊக்கப்படுத்தி, உயர்த்திய உங்களுக்கு நன்றி.

* நீங்கள் இல்லையேல் எங்களுக்குள் ஒளிந்திருக்கும் திறமையை நாங்கள் இழந்திருப்போம். திறமையை வெளிப்படுத்தியதற்கு நன்றி.

* எங்கள் திறனை வளர்க்க அரும்பணியாற்றிய உங்களுக்கு இந்த நாளில் நன்றி கூற கடமைப்பட்டுள்ளோம்.

* எங்களுக்கு ஆசிரியனாக மட்டும் இல்லாமல், நண்பராக, வழிகாட்டியாக இருக்கும் உங்களது ஆதரவு எங்களுக்கு எப்போதும் தேவை. நன்றி.

* நீங்கள் எங்களுக்கு செய்த எல்லா சேவைகளுக்கும் எங்களது நன்றி.