லிம்கா சாதனை புத்தகத்தில் இடம் பெற்ற இந்திய தேசிய நெடுஞ்சாலை ஆணையம்!
லிம்கா சாதனை புத்தகத்தில் இந்திய தேசிய நெடுஞ்சாலை துறை இடம்பெற்றுள்ளது பெரும் பரபரப்பை ஏற்படுத்தி உள்ளது
லிம்கா சாதனை புத்தகத்தில் இந்தியாவில் நடைபெறும் முக்கிய சாதனைகள் குறித்த நிகழ்வுகளை தொகுத்து வழங்கும் புத்தகம் என்பது அனைவரும் அறிந்ததே. அந்த வகையில் தற்போது இந்திய தேசிய நெடுஞ்சாலை ஆணையம் இந்த புத்தகத்தில் இடம் பெற்றுள்ளது
விஜய்பூர் என்ற பகுதியில் இருந்து சோலாப்பூர் என்ற பகுதிகளுக்கு இடையே உள்ள 25.54 கிலோ மீட்டர் நீளமுள்ள நான்கு வழி சாலையில் ஒரு பாதையை 18 மணி நேரத்தில் இந்திய தேசிய நெடுஞ்சாலை ஆணையம் நிறைவு செய்துள்ளது. இந்த சாதனைக்காக லிம்கா புத்தகத்தில் இந்திய தேசிய நெடுஞ்சாலை ஆணையம் இடம் பெற்றுள்ளதை அடுத்து அந்த ஆணையத்திற்கு வாழ்த்துக்கள் குவிந்து வருகிறது என்பது குறிப்பிடத்தக்கது