டிவில்லியர்சை வீழ்த்த சிறப்பு யுக்திகள்: பிளமிங்

இன்றைய ஆட்டத்தில் பெங்களூர் வீரர் டிவில்லியர்சை வீழ்த்த பல்வேறு சிறப்பு யுக்திகளை கையாள்வோம் என சென்னை அணியின் பயிற்சியாளர் பிளமிங் கூறியுள்ளார்.

8 ஆவது ஐபிஎல் போட்டிகள் இறுதிகட்டத்தை நெருங்கிவிட்டது. இதில் இன்று நடைபெறும் 2 ஆவது தகுதி சுற்று ஆட்டத்தில் சென்னை - பெங்களூர் அணிகள் மோதவுள்ளன. இறுதிபோட்டிக்குள் நுழையும் அணியை முடிவு செய்யும் ஆட்டம் என்பதால் இரு அணிகளும் களத்தில் கடுமையாக போராடும். 

இந்நிலையில் போட்டி குறித்து சென்னை அணியின் பயிற்சியாளர் பிளமிங் கூறுகையில், சென்னை அணியின் பந்துவீச்சு திருப்தி அளிக்கும் வகையில் உள்ளது. கடந்த ஆட்டத்தில் சென்னை அணியின் பேட்ஸ்மேன்கள் அதிரடி ஆட்டத்தை வெளிபடுத்த தவறிவிட்டனர். இதுவே வெற்றி வாய்ப்பை எங்களிடமிருந்து பறித்துவிட்டது என்றார். எங்கள் வீரர்கள் இன்றைய ஆட்டத்தில் மிக ஆக்ரோஷமாக செயல்படுவர் என்றார்.

மேலும் பெங்களூர் அணியில் அதிரடி மன்னர்கள் இருப்பதால் போட்டி சற்று கடினமாக இருக்கும். எனினும் அதிரடி ஆட்டக்காரர்களில் ஒருவரான டிவில்லியர்சை சாய்க்க சிறப்பு யுக்திகளை மேற்கொள்வோம் என்றார்.