ஐபிஎல் கிரிக்கெட் போட்டியில், ரைசிங் புனே சூப்பர் ஜெயன்ட் அணி ஏற்கனவே இறுதிப்போட்டிக்கு முன்னேறி விட்ட நிலையில், இறுதிப்போட்டிக்குள் நுழையும் இரண்டாவது அணி எது? என்ற கேள்விக்கு இன்று விடை கிடைக்கும்.
2 வது தகுதி சுற்று போட்டி பெங்களூரு சின்னசாமி ஸ்டேடியத்தில் நடைபெறவுள்ளது. ஐபிஎல் வரலாற்றில் கொல்கத்தா அணி, ஒரு அணிக்கு எதிராக அதிகமான தோல்விகளை சந்தித்து மும்பைக்கு எதிராகத்தான்.
மும்பை அணிக்கு எதிராக இதுவரை 20 ஆட்டங்களில் விளையாடி அதில் 5-ல் மட்டுமே வெற்றி பெற்றுள்ளது. முந்தைய தோல்விகளுக்கு பழிதீர்க்க கொல்கத்தா அணிக்கு சரியான சந்தர்ப்பம் கனிந்துள்ளது.
இதை பயன்படுத்திக்கொள்வார்களா? அல்லது மும்பை அணியின் ராஜ்ஜியம் தொடருமா? என்பதை பொறுத்திருந்து பார்ப்போம்.