மூலநோய் என்பது குதவாய் மற்றும் கீழ் குடலில் உள்ள வீங்கிய நரம்புகளால் ஏற்படும் ஒரு உடல் நிலையாகும். இது ஆபத்தானது அல்ல என்றாலும், சில நேரங்களில் மிகவும் வலியுடனும், மீண்டும் மீண்டும் திரும்பி வரக்கூடியதாகவும் இருக்கும். பைல்ஸ் பிரச்சனையின் முக்கிய காரணங்களில் ஒன்று மலச்சிக்கலே ஆகும். இதை ஆரம்பத்திலேயே கையாளும் போது, பைல்ஸ் பாதிப்பை தடுக்கும் வாய்ப்புகள் அதிகம்.
மலச்சிக்கலால் மூல நோய் அதிகரிக்க வாய்ப்புள்ளது, அதனால் சில உணவுகளை தவிர்ப்பது அவசியம்.
குளுட்டன் நிறைந்த கோதுமை, பார்லி போன்ற தானியங்கள் மலச்சிக்கலுக்கான முக்கிய காரணமாக உள்ளன. சிலரின் நோயெதிர்ப்பு அமைப்பு குளுட்டனுக்கு எதிராக செயல்பட்டு செரிமானத்தில் பிரச்சனைகளை உருவாக்குகிறது. இது மலச்சிக்கலை மேலும் அதிகரித்து மூல நோயைத் தூண்டுகிறது.
சிலருக்கு பசும்பாலில் உள்ள புரோட்டீன்கள் செரிமான பிரச்சனைகளை ஏற்படுத்தி மலச்சிக்கலை தூண்டுகிறது. இ பசும்பாலை தவிர்க்க விரும்பினால் சோயா பாலை மாற்றாகக் கொள்ளலாம்.
மாட்டிறைச்சி நார்ச்சத்து குறைவாகவும், கொழுப்பு அதிகமாகவும் உள்ளதால், செரிமானம் சரியாக செய்யப்படாமல் மலச்சிக்கல் மற்றும் மூல நோயை ஏற்படுத்தும். எனவே, பைல்ஸ் பிரச்சனையுள்ளவர்கள் மாட்டிறைச்சியை தவிர்ப்பது நல்லது.
வறுத்த அல்லது எண்ணெயில் பொரித்த உணவுகள் நார்ச்சத்து குறைவாகவும், கொழுப்பு அதிகமாகவும் இருப்பதால், பைல்ஸ் பிரச்சனையை அதிகரிக்கும். இதற்கு பதிலாக, காய்கறிகள் மற்றும் பழங்களை அதிகமாகச் சாப்பிடுவது நல்லது.
ஆல்கஹால் உடலில் நீர்ச்சத்தை குறைத்து, நீரிழப்பு ஏற்படுத்துகிறது. நீர் குறைவால் மலச்சிக்கல் அதிகரித்து, மூல நோயை தீவிரமாக்கும். எனவே, ஆல்கஹாலை முற்றிலும் தவிர்ப்பது அவசியம்.
