விவோ இசட் 1 ப்ரோ ஸ்மார்ட்போனின் விலையை குறைத்திருப்பதாக விவோ நிறுவனம் அறிவித்துள்ளது.
விவோ நிறுவனம் அதிநவீன தொழில்நுட்ப அம்சங்களுடன் குறைந்த விலையில் அறிமுகம் செய்த மாடல் இசட் 1 ப்ரோ. முன்னதாக இந்த ஸ்மார்ட்போனின் விலை மீது ரூ. 2000 குறைக்கப்பட்டது. இதனைத்தொடந்து தற்போது ரூ. 1000 குறைக்கப்பட்டுள்ளது.
விலை குறைப்பிற்கு பின், தற்சமயம் விவோ இசட்1 ப்ரோ ஸ்மார்ட்போனின் 4 ஜிபி ராம், 64 ஜிபி. மெமரி மாடல் ரூ. 12,990 விலையில் விற்பனை செய்யப்படுகிறது. அதேபோல விவோ இசட்1 ப்ரோ 6 ஜிபி ராம், 64 ஜிபி மெமரி மாடல் ரூ. 13,990 விலையில் விற்பனை செய்யப்படுகிறது.
ஆனால், விவோ இசட்1 ப்ரோ டாப் எண்ட் மாடலான 6 ஜிபி ராம், 128 ஜிபி மெமரி வேரியண்ட் மட்டும் விலை குறைக்கப்படாமல் ரூ. 15,990 விலையிலேயே விற்பனை செய்யப்படுகிறது.