வீரம் படம் ஜனவரி 10 ஆம் தேதி ரிலீஸாகிறது. ரொம்ப நல்லா வந்திருக்கு. ஹோல்சம் பேமிலி என்டர்டெய்னர். ஆக்சன், காமெடி எல்லாம் கலந்து நல்லதொரு படமா வந்திருக்கு. விஜயா புரொடக்சன்ஸ் அப்படிங்கிற மிகப்பெரிய பேனர்ல அஜித் சார்ங்கிற பெரிய ஸ்டாரோடு நல்ல ஒரு டீமோட ரொம்ப சின்சியரா உழைச்சி எடுத்திருக்கோம். எல்லோரையும் இந்தப் படம் சந்தோஷப்படுத்தும்னு ரொம்ப கான்பிடென்டா நம்பறேன்.
பிரஸ்மீட்டுக்கு அஜித் வரமாட்டார். மற்ற நடிகர்களும் ஏன் ஆப்சென்ட்..? ஆக்சுவலா முதல்ல டெக்னீஷியன்ஸை வச்சு ஒரு மீட் பண்ணலாம்னுதான் நாங்க மட்டும் வந்திருக்கோம். அடுத்து ஆர்ட்டிஸ்டை வச்சு ஒரு மீட் பண்ண ப்ளான் பண்ணியிருக்கோம்.
படத்தின் இசை எப்படி வந்திருக்கு?
தேவி ஸ்ரீ பிரசாத்கூட நான் இரண்டு தெலுங்குப் படம் பண்ணியிருக்க வேண்டியது, எப்படியோ மிஸ்ஸாயிடுச்சி. இப்படியொரு பெரிய படத்துலதான் நாங்க ஒண்ணா வொர்க் பண்ணணும்னு இருந்திருக்கு. ரொம்ப நல்லா பண்ணியிருக்கார். இந்த கதைக்கு, வீரம்ங்கிற இந்த டைட்டிலுக்கு, அஜித் சாருக்கு செட்டாகிற பிரமாதமான தீம் மியூஸிக் போட்டு கொடுத்திருக்கார். அந்த தீம் மியூஸிக்கை கம்போஸ் பண்ணி அதுக்கு லிரிக் எழுதும் போதே இதுவொரு ப்ளாக் பஸ்டராக இருக்கும்னு தோன்றியது. இப்போ அந்த தீம் மியூஸிக்கை படத்துல செட் பண்ணி படமா பார்க்கிற போது இட்ஸ் லுக் வொண்டர்ஃபுல். படத்தை இது அடுத்த லெவலுக்கு கொண்டு போயிருக்கு.
பேசிக்கலா இந்த விநாயகம் அப்படிங்கிற கேரக்டர் வரையறைக்குள்ள கட்டுப்படாத கேரக்டர். ஒரு காட்டாறு மாதிரி இருந்தா எப்படியிருக்குமோ அப்படி. ரஃப் அண்ட் டஃப் லுக்காகவே இருக்கட்டும்னு முதல்லயே முடிவு பண்ணுனோம். அவரை முதல்ல பார்க்க போகிற போது தாடியெல்லாம் வச்சு இதே கெட்டப்புலதான் இருந்தார். மொத்த டீமுக்கும் பிடிச்சுப் போச்சு. இதுவே நல்லாயிருக்கு, இதையே படத்துல வச்சுக்கலாம்னு முடிவு பண்ணுனோம். தவிர கதையிலும் அவர் இப்படி சால்ட் அண்ட் பெப்பர் லுக்கில் வர்றதுக்கு காரணம் இருக்கு.
தமன்னாவுக்கு எப்படிப்பட்ட வேடம்? கமர்ஷியல் படங்களில் ஹீரோயின் பங்கு கம்மியா இருக்கும்பாங்க. ஆனா இந்தப் படத்தைப் பொறுத்தவரை தமன்னாவின் பெயருக்குகூட வேல்யூ இருக்கு. அவங்கதான் இந்தப் படத்தின் முதுகெலும்பே. இந்த கதை எந்த ட்ராக் மேல பயணிக்கிறதுன்னா, தமன்னா அப்படிங்கிற ட்ராக்குலதான் பயணிக்குது. அவங்களே ரொம்ப ஹேப்பியா ஃபீல் பண்ணுனாங்க. ரொம்ப நாளைக்கு அப்புறமா ஒரு ஹோல்சம் என்டர்டெய்னர்ல ஒரு ஹீரோயினா முக்கியமான கதாபாத்திரம் பண்ணுனதுல அவங்களுக்கு ரொம்ப திருப்தி.
பேமிலி என்டர்டெய்னராக இருக்கணும்னு முதல்லயே தீர்மானித்தீர்களா?
முதல்ல புரொடியூசர் சாரை மீட் பண்ணின போதே, விஜயா புரொடக்ஷனுக்காக படம் பண்றோம். அதனால ஹோல்சம் பேமிலி என்டர்டெய்ன்மெண்டா இருக்கணும். சின்ன குழந்தைங்களிலிருந்து பெரியவங்கவரை எல்லா ஏஜ் குரூப்ல உள்ளவங்களும் என்ஜாய் பண்ணி பார்க்கிற மாதிரி இருக்கணும்னு முதல்லயே சொல்லிட்டார். அதனால கதையிலயிருந்தே அதை ஃபாலோ பண்ணினோம். நாலு வயசு குழந்தையிலிருந்து ரோகிணி அட்டங்காடி மாதிரி ஒரு பிரமாதமான ஆக்ட்ரஸ்வரை இதுல நடிச்சிருக்காங்க.
சந்தானம் சார் இருக்கார். தமன்னா மேடம், தம்பி ராமையா, மயில்சாமி, விதார்த், பாலா அப்புறம் இரண்டு யங்ஸ்டர்சை இன்ட்ரடியூஸ் பண்ணியிருக்கோம். இதில் பாலா, விதார்த் அஜித் சாரோட தம்பியா நடிச்சிருக்காங்க. இவங்க எல்லோருக்குமே முக்கியத்துவம் இருக்கிற மாதிரிதான் கேரக்டரைசேஷன் பண்ணியிருக்கோம்.
படம் முடிஞ்சு பார்க்கிற போது, எந்த காரணத்துக்காக விஜயா புரொடக்ஷன்ஸ் தயாரிப்பில் வீரம்ங்கிற பெயர்ல அஜித் சாரை வைச்சு இந்தப் படத்தை ஆரம்பிச்சோமோ அந்த பர்ப்பஸை இந்தப் படம் நூறு சதவீதம் முழுமைப்படுத்தியிருக்கு.