வரி விலக்கைப் பெற்ற நிமிர்ந்து நில்
, புதன், 12 மார்ச் 2014 (13:32 IST)
ஊழலை எதிர்த்து ஒரு படத்தை தந்திருக்கிறார் என்று நிமிர்ந்து நில் படத்தை ரசிகர்கள் பாராட்டுகிறார்கள். அரவிந்த் கெஜ்ரிவாலையே சந்தேகத்துடன் பார்க்கும் விமர்சகர்கள் படத்தை இணையத்தில் கொத்துப் பரோட்டா போட்டு வருகின்றனர். சமுத்திரக்கனியின் முற்போக்கு வியாபாரம் என்று முகநூலில் சட்டையைப் பிடிக்கிறார்கள்.
எப்படியிருப்பினும் தயாரிப்பாளரை நிம்மதி பெருமூச்சு விட வைத்துள்ளது படத்துக்கு கிடைத்திருக்கும் வரி விலக்கு.
சமீபத்தில் வெளியான பெரிய படங்கள் ஜில்லா, வீரம் இரண்டுக்கும் வரி விலக்கு அளிக்கப்படவில்லை. நிமிர்ந்து நில்லுக்கு கிடைக்குமா என்பது கேள்விக்குறியாக இருந்தது. கேள்விக்குறையை ஆச்சரிய குறியாக்கியது வரி விலக்கு பரிந்துரைக்குழு.
