இன்றைய தேதியில் ரஜினி, விஜய் படங்களுக்குப் பிறகு விநியோகஸ்தர்களும், திரையரங்கு உரிமையாளர்களும் அதிகம் நம்புவதும், விரும்புவதும் சிவ கார்த்திகேயனின் படங்களைதான்.
அதற்கேற்ப நாளொரு பகட்டும் பொழுதொரு மினுக்குமாக சிவ கார்த்திகேயனின் ஸ்டார் வேல்யூ பளபளக்கிறது.
மாஸ் நடிகர்களுக்குதான் படங்களில் அறிமுகப் பாடல் வைப்பார்கள். முதல்முறையாக சிவ கார்த்திகேயனுக்கு மான் கராத்தே படத்தில் அறிமுகப்பாடல் வைத்துள்ளனர். ராயபுரம் பீட்டர் என்ற அந்தப் பாடலை அனிருத் இசையில் சிவ கார்த்திகேயனும், பரவை முனியம்மாவும் பாடினர்.
பாடல் காட்சியிலும் சிவ கார்த்திகேயனுடன் பரவை முனியம்மாவும் ஆடியுள்ளார்.
இந்தப் பாடலுடன் மான் கராத்தேயின் மொத்த படப்பிடிப்பும் முடிவுக்கு வருகிறது.