மனோஜ் கே.பாரதி என்பதைவிட பாரதிராஜாவின் மகன் மனோஜ் என்றால் சட்டென்று புரியும். தாஜ்மகாலில் அறிமுகமான மனோஜுக்கு நடிப்பு வாழக்கை சுலபமாக இல்லை. காடாறு மாதம் நாடாறு மாதம் என்றே சினிமா வாழ்க்கை சென்று கொண்டிருக்கிறது.
அன்னக்கொடிக்குப் பிறகு மீண்டும் முழுவீச்சில் நடிக்கப் போவதாக கூறியவர் 13 என்ற படத்தில் இரண்டு குழந்தைகளுக்கு தந்தையாக நடித்து வருகிறார். தனியாக படம் இயக்கவும் முயற்சி மேற்கொண்டு வருவதாக கோடம்பாக்கம் சொல்கிறது.
இந்நிலையில் யாரும் எதிர்பார்க்காதவகையில் காதல் ஓவியம் என்ற படத்துக்கு இசையமைத்துள்ளார். பாரதிராஜா இயக்கிய காதல் ஓவியம் படத்தின் பெயரில் தயாராகும் புதிய படம் இது. இந்தப் படத்துக்காக ஐந்து பாடல்களை மனோஜ் கம்போஸ் செய்துள்ளார்.