அஜீத், விக்ரம், விஜய் என்று முன்னணி நடிகர்களுடன் படம் செய்த இயக்குனர் விஜய் கதைக்கு முக்கியத்துவம் தந்து இயக்கியுள்ள படம் சைவம். இது குடும்ப கலாச்சாரத்தை முன்னிறுத்தும் படம் என்று அவர் கூறினார்.
இந்தப் படத்தில் தெய்வத்திருமகளில் நடித்த சிறுமி சாரா முக்கிய வேடமேற்றுள்ளார். நாசர், அவரது மகன் லுப்துபுதீன் ஆகியோரும் நடித்துள்ளனர். நீரவ் ஷா ஒளிப்பதிவு செய்ய, ஜீ.வி.பிரகாஷ் இசையமைத்துள்ளார்.
படம் குறித்து பேசிய விஜய், நமது குடும்ப வேர்களைப் பற்றிய படம் இது. நமது முன்னோர்களின் படங்கள் நமது வீட்டில் தொங்குவதன் உண்மையான அர்த்தத்தை புரிய வைக்கும் படமாக இது இருக்கும் என்றார்.