ரஜினி இடத்தில் அஜித் - அலைபாயும் இயக்குனர்கள்
, செவ்வாய், 4 பிப்ரவரி 2014 (17:51 IST)
ரஜினியை யார் யார் இயக்கப் போகிறார்கள் என்று பேசப்பட்டதோ அவர்கள் எல்லாம் அஜித் படத்தை இயக்கயிருப்பதாக புதிய செய்திகள் வருகின்றன.
கோச்சடையான் படத்துக்குப் பிறகு ரஜினி யார் படத்தில் நடிக்கிறார் என்பது பெரிய கேள்விக்குறி. ரஜினியின் புதிய படத்தை இயக்குகிறார் என கே.எஸ்.ரவிக்குமார், கே.வி.ஆனந்த், ஷங்கர் ஆகியோரின் பெயர்கள் அடிபட்டன. கே.எஸ்.ரவிக்குமார் என்னுடைய அடுத்தப் படத்தில் ரஜினி கிடையாது என ரேஸிலிருந்து ஒதுங்கினார். கே.வி.ஆனந்த் உள்ளே வெளியே ஆடிக்கொண்டிருக்கிறாரே தவிர ரவிக்குமார் மாதிரி வெட்டு ஒன்னு துண்டு ரெண்டு பதிலை இன்றுவரை அளிக்கவில்லை. நடுவில் ஷங்கரின் பெயரையும் இழுத்துவிட்டனர்.ஆனால் இவர்களில் யாரின் இயக்கத்தில் ரஜினி நடிக்கயிருக்கிறார் என்பது மில்லியன் டாலர் கேள்வி.ரஜினியின் உடல்நிலை சிங்கப்பூர் சிகிச்சைக்குப் பின் தேறினாலும் முன்பு போல் ஓடியாடி நடிப்பது இனி சாத்தியமில்லை. சண்டைக் காட்சிகளில் மட்டுமில்லாமல் நடனக் காட்சியிலும் முன்பு போல் நடிக்கக் கூடாது என்பது மருத்துவர்களின் அறிவுரை.
கோச்சடையான் மாதிரியான படங்களை மட்டுமே அவரால் செய்ய முடியும் என்கிறார்கள் ரஜினிக்கு நெருக்கமானவர்கள். அந்த மாதிரி தமிழில் எடுக்கக் கூடிய திறமை ஷங்கருக்கு மட்டுமே உள்ளது. ஆக, ரஜினி வரலாற்றுப் படங்களில் நடிக்க இருக்கிறார், ஆக்சன் காட்சியில் தூள் கிளப்ப இருக்கிறார் என்பதெல்லாம் உண்மைக்குப் புறம்பான செய்திகள்.