பிப்ரவரி 6 அஜித், கௌதம் படம் ஆரம்பம்
, வியாழன், 23 ஜனவரி 2014 (18:06 IST)
அஜித், கௌதம் வாசுதேவ மேனன் இணையும் படம் ஃபெப்ரவரி 6 ஆம் தேதி ஆரம்பமாகிறது.
வீரம் படத்துக்குப் பிறகு கௌதம் இயக்கத்தில் நடிப்பதாக அஜித் ஏற்கனவே உறுதி அளித்திருந்தார். அதன்படி வருகிற பிப்ரவரி 6 ஆம் தேதி இவர்கள் இணையும் புதிய படம் ஆரம்பமாகிறது.இந்த பெயரிடப்படாத படத்தையும் ஏ.எம்.ரத்னமே தயாரிக்கிறார். இவர் அஜித்தின் ஆரம்பம் படத்தை தயாரித்தது குறிப்பிடத்தக்கது. ரத்னம் சாய்பாபா பக்தர். சாய்பாபா கோவில் ஒன்றை ஆரம்பம் படத்தின் போது கட்டியது நினைவிருக்கலாம்.
தனது அனைத்து நல்ல விஷயங்களையும் வியாழக்கிழமை தொடங்குவதுதான் ரத்னத்தின் வழக்கம். அது சாய்பாபாவுக்கு உகந்த நாள். மேலும் ஸ்ரீ சூர்யா மூவிஸ் என்ற தனது தயாரிப்பு நிறுவனத்தின் பெயரையும் ஸ்ரீ சத்ய சாய் மூவிஸ் என்று அவர் மாற்றியது முக்கியமானது.