'இந்தப் பெண் என்னை மாற்றிவிட்டாள்' - ஃபகத் பாசில்
, திங்கள், 20 ஜனவரி 2014 (19:59 IST)
ஃபகத் ஃபாசில் விரைவில் நஸ்ரியா நசீமை திருமணம் செய்யப் போகிறார். இதுதான் இப்போதைய ஹாட் டாபிக்.
ஃபகத் ஃபாசில் இயக்குனர் ஃபாசிலின் மகன். அவரால் ஹீரோவாக மலையாளத்தில் அறிமுகப்படுத்தப்பட்டவர். முதல் படம் அட்டர் ப்ளாப்பாக சினிமாவிலிருந்து முற்றிலுமாக தன்னை துண்டித்துக் கொண்டார். ஏழு வருட வனவாசத்துக்குப் பிறகு முன் வழுக்கையுடன் சினிமாவில் ரீஎன்ட்ரியானவர் இப்போது மலையாளத்தின் முன் வரிசை ஹீரோக்களில் ஒருவர். சென்ற வருடம் மட்டும் இவர் நடிப்பில் 12 படங்கள் வெளியாயின. அதில் பாதிக்கு மேல் ஹிட். அன்னாயும் ரசூலும், ஆர்டிஸ்ட் போன்ற அருமையான படங்கள் இதில் அடக்கம்.