இப்படியா டீல் பண்ணுவாங்க...?
, புதன், 8 ஜனவரி 2014 (16:51 IST)
டீல் என்று பெயர் வைத்த போதே, தமிழில் பெயர் வைத்தால் மட்டுமே 30 சதவீத வரிச்சலுகை கிடைக்கும், டீல் என்று ஆங்கிலத்தில் பெயர் வைத்து கடைசி நேரத்தில் பெயரை மாற்றுகிற காமெடியை தவிர்த்தால் நல்லது என எழுதியிருந்தோம். என்ன செய்வது.... சிலருக்கு காமெடி செய்தால்தான் தூக்கம் வருகிறது.
தடையற தாக்க படத்துக்குப் பிறகு அருண் விஜய் நடித்த படம்தான் இந்த டீல். கோ படத்துக்குப் பிறகு வாய்ப்புகள் இல்லாத கார்த்திகா இந்தப் படத்தில் அருண் விஜய்க்கு ஜோடியாக நடித்தார். சிவஞானம் படத்தின் இயக்குனர். படம் முடிந்து பல மாதங்களாகிறது. வியாபார பிரச்சனையால் இன்னும் திரைக்கு வரவில்லை. இந்நிலையில் ரிலீஸுக்கான முயற்சிகளை எடுத்து வருகிறது தயாரிப்பாளர் தரப்பு.
அவர்கள் எதிர்கொண்ட முதல் பிரச்சனை, வரிச்சலுகை. தமிழில் பெயர் இருந்தால்தான் வரிச்சலுகை. இந்த சலுகை கிடைக்காதப் படங்களை திரையரங்கு உரிமையாளர்கள் திரும்பிக்கூடப் பார்ப்பதில்லை.