முன்பு தேடுதல் பட்டியலில் குற்றவாளிகள்தான் இருந்தார்கள். கூகுள் வந்த பிறகு பிரபலங்களும் அப்பட்டியலில் இணைந்தனர். முன்னது க்ரைம் என்றால் பின்னது கௌரவம். கூகுளில் அதிகம் தேடப்படும் நபராக இருப்பது பெருமைக்குரிய விஷயமாகவும், அதிக பிரபலத்தின் அடையாளமாகவும் பார்க்கப்படுகிறது.
தென்னிந்திய சினிமா நட்சத்திரங்களில் அதிகம் தேடப்பட்ட பிரபலமாக விஜய்யை அறிவித்திருக்கிறது கூகுள். ரஜினிக்கு இரண்டாவது இடம். அடுத்து பவன் கல்யாண், மகேஷ்பாபு ஐந்தாவதாக அஜீத்.
தலைவா படத்தின் பிரச்சனை காரணமாக விஜய் குறித்த செய்திகளை தேடியவர்கள் அதிகம். அதுவே விஜய்யை முதல்முறையாக முதலிடத்தில் கொண்டு சேர்த்திருக்கிறது. தலைவா படத்தின் நஷ்டத்திலும் ஒரு பெருமை கிடைத்திருப்பது நல்ல விஷயம்தான்.
ஆனால் இதனை பெருமை என ஒரேயடியாக வரையறுக்கவும் முடியாது. மக்களால் அதிகம் தேடப்பட்டவர் பிரிவில் - இது தென்னக திரை நட்சத்திரங்களைவிட பெரிய பிரிவு - முதலிடம் பிடித்திருப்பவர் ட்ரிபிள் எக்ஸ் நடிகை சன்னி லியோன்.