பிளாக் பாண்டி காதலியை மணந்தார்
, திங்கள், 2 டிசம்பர் 2013 (15:15 IST)
நகைச்சுவை நடிகர் பிளாக் பாண்டி தனது ஏழு வருட காதலியை நேற்று திருமணம் செய்து கொண்டார்.
தொலைக்காட்சியிலிருந்து சினிமாவுக்கு வந்த பிளாக் பாண்டியை வசந்த பாலனின் அங்காடித்தெரு பிஸியான நடிகராக்கியது. இசையில் ஆர்வம் உள்ள அவர் ஸ்டுடியோ ஒன்றையும் சமீபத்தில் திறந்தார்.
பிளாக் பாண்டியும், எம்பிஏ பட்டதாரியுமான உமேஸ்வரியும் கடந்த 7 வருடங்களாக காதலித்து வந்தனர். பிளாக் பாண்டி தொலைக்காட்சியில் நடித்துக் கொண்டிருந்த காலத்தில் அவரின் ரசிகையாக அறிமுகமானவர் உமேஸ்வரி. அந்த நட்பு காதலாகி நேற்று இருவீட்டாரின் சம்மதத்துடன் திருமணத்தில் முடிந்தது.
