மீண்டும் திவ்யா ஸ்பந்தனா

திவ்யா ஸ்பந்தனாவை (முன்னாள் குத்து ரம்யா) மீண்டும் தமிழில் ஒப்பந்தம் செய்ய முயற்சிகள் நடக்கிறது. விக்ரம் நடிக்கும் படத்துக்காக இந்த முயற்சியை எடுத்து வருபவர், இயக்குனர் விஜய்.

சீன் பென் நடிப்பில் ஆங்கிலத்தில் வெளியான ஐ யாம் சாம் படத்தை தமிழில் விக்ரமை வைத்து எடுத்து வருகிறார் மதராசப்பட்டினம் விஜய். இதில் மொத்தம் மூன்று நாயகிகள். முதலில் அனுஷ்காவை ஒப்பந்தம் செய்தனர். பிறகு அமலா பால. மூன்றாவதாக திவ்யா ஸ்பந்தனாவை ஒப்பந்தம் செய்ய முயற்சிகள் நடக்கிறது.

திவ்யா சென்னைக்கு வந்தபோது தமிழ் சேனல்களுக்கு பேட்டி தரமாட்டேன் என்று மறுத்ததோடு, தமிழ் சேனல்களை தவிர்த்து ஆங்கில சேனல்களுக்கும், பிற மொழி சேனல்களுக்கும் பேட்டி தந்தது குறிப்பிடத்தக்கது.