கள்ளக்காதல் கதை

யுவா எண்டர்டெய்ன்மெண்ட்ஸ் தயாரிக்கும் படம் இலக்கணப் பிழை. ஒரு ஆட்டோ ஓட்டும் இளைஞன் பற்றிய கதை இது. வரம்பு மீறினால் வாழ்க்கை என்னாகும் என்பதற்கு உதாரணமாக இருக்கும் என்கிறார் இப்பட இயக்குனர் ஜோ.

தன் நண்பன் மனைவியிடம் ஏற்படும் கள்ளத் தொடர்பால் ஏற்படும் பல பிரச்சனையால் தற்கொலைக்கே செல்லும் ஹீரோ, பிறகு எப்படி திருந்துகிறான் என்பதை விரசம் இல்லாமல் சொல்லும் படம் இலக்கணப் பிழை.

இதன் படப்பிடிப்பு சமீபத்தில் அடர்ந்த காட்டுப் பகுதியான வால்பாறையில் நடத்திக் கொண்டிருக்க, திடீரென அங்கே வந்த யானைக் கூட்டம் செய்த ரகளையால் படப்பிடிப்பை பாதியிலேயே நிறுத்திவிட்டு, உயிரைக் கையில் பிடித்துக் கொண்டு தப்பித்திருக்கிறது யூனிட்.