லிங்குசாமியின் மறுப்பு

மாதக்கணக்கில் காத்திருந்து பையாவை தொடங்கியிருக்கிறார் லிங்குசாமி. பெங்களூருவில் ஒரு பாடல் காட்சி படமாக்கப்பட்டுள்ளது. இந்நிலையில் லிங்குசாமிக்கும் படத்தின் நாயகன் கார்த்திக்கும் கதை விஷயத்தில் லடாய் என்று பரபரப்பு வதந்தி. உண்மை என்ன?

அப்படி எதுவும் இல்லையாம். படப்பிடிப்பு எந்தப் பிரச்சனையும் இல்லாமல் போய்க் கொண்டிருக்கிறது. யார் இப்படி கிளப்பிவிடுகிறார்கள் தெ‌ரியவில்லையே என நொந்து கொண்டார் லிங்குசாமி.

படத்தில் தமன்னாவின் பர்ஃபாமென்ஸில் திருப்தியில்லாததால் அவரை படத்திலிருந்து தூக்குகிறார்கள் என்று மேலுமொரு வதந்தி. கேட்டா‌ல் நடிப்பில் பொண்ணு பொளந்து கட்டுது என்றார்கள் யூனிட்டில்.

லிங்குசாமியிடம் விளக்கம் கேட்காமலே ப ு‌ ரிந்தது, இது வில்லங்கமானவர்களின் வேலை என்று. பையா ஃபைனலை நோக்கி ஓடிக் கொண்டிருக்கிறது. வதந்திகளை யாரும் நம்ப வேண்டாம்.