சீனா செல்லும் சரத்குமார் படம்!

மிகப் பிரமாண்டமாக தனது 1977 படத்தை எடுத்து வருகிறார் சரத்குமார். தினேஷ்குமார் இயக்கும் இந்தப் படத்தை சரத்குமாரே சொந்தமாக தயாரிக்கிறார்.

1977 ல் சரத்குமாருக்கு அப்பா மகன் என இரண்டு வேடங்கள். இதுதவிர, ஆறு வெவ்வேறு கெட்டப்புகளில் படத்தில் வருகிறாராம். பெரும்பாலான காட்சிகள் படமாக்கப்பட்டிருப்பது மலேசியாவில்.

சீனா, மலேசியாவில் தமிழ் சினிமாவுக்கு நல்ல வரவேற்பு இருப்பதால் சீன மற்றும் மலாய் மொழி சப்-டைட்டிலுடன் படத்தை வெளியிட திட்டமிட்டுள்ளார் சரத்குமார்.

ஆக்சன் படமான இது சீன மற்றும் மலாய் இன மக்களை கவரும் என நம்பலாம். ஆக்சன் காட்சிகளுக்கு மயங்கவில்லை என்றாலும், நமிதா, பர்சானா என்ற இரண்டு கவர்சிகளுக்கு அவர்கள் கிறங்கித்தானே ஆக வேண்டும்.