ரோபோவில் செளந்தர்யா!

ஏப்ரலில் ரோபோ பட வேலைகள் ஆரம்பமாகும் என அறிவித்திருக்கிறார் ரஜினி. ரோபோவில் இடம்பெறும் கிராஃபிக்ஸ் வேலைகளை ரஜினியின் இளைய மகள் செளந்தர்யாவின் ஆக்கர் ஸ்டுடியோ கவனிக்கிறது!

' சந்திரமுகி', 'அ ஆ' மற்றும் 'சிவாஜி' படங்களில் பணிபுரிந்துள்ள செளந்தர்யா அட்லாப்ஸ் நிறுவனத்துடன் இணைந்து 40 கோடி ரூபாய் செலவில் 'சுல்தான் தி வாரியர்' படத்தை எடுத்து வருகிறார். அனிமேஷன் படமான இது விரைவில் வெளிவர இருக்கிறது.

' ரோபோ'வில் கிராஃபிக்ஸ் அதிகம் பயன்படுத்தப்பட உள்ளது. இதனை ஆக்கர் ஸ்டுடியோவுடன் இணைந்து வெளிநாட்டு நிறுவனங்கள் செய்ய உள்ளன. எந்தெந்த நிறுவனங்கள் என்பது படப்பிடிப்புக்கு முன் முடிவு செய்யப்படும் என ஷங்கர் வட்டார தகவல்கள் தெரிவிக்கின்றன.