ஷங்கர் தயாரிக்கும் அடுத்த படம்!

காதல், இம்சை அரசன் 23-ம் புலிகேசி, வெயில், கல்லூரி, அறை எண் 305-ல் கடவுள் ஆகிய படங்களைத் தொடர்ந்து தனது எஸ் பிக்சர்ஸ் சார்பில் புதிய படமொன்றை தயாரிக்கிறார் ஷங்கர்.

அது என்ன ராசியோ தெரியவில்லை. ஷங்கர் வாய்ப்பு கொடுக்கும் இயக்குனர்கள் எல்லாருமே சிக்ஸராக அடிக்கிறார்கள். பாலாஜி சக்திவேல் லிங்குசாமியின் திருப்பதி பிரதர் ஸ ¤க்காக படம் இயக்குகிறார். வசந்தபாலன் 'அங்காடித் தெரு' படத்தில் பிஸியாக இருக்கிறார். சிம்புதேவன், ஷங்கர் தயாரிப்பில் 'அறை எண் 305-ல் கடவுள் படத்தை இயக்கிக் கொண்டிருக்கிறார்.

இவர்கள் வரிசையில் புதிதாக இணைகிறார் அறிவழகன். மற்றவர்களைப் போல அறிவழகனும் ஷங்கரின் உதவியாளர்தான். அறிவழகன் சொன்ன கதை பிடித்துப்போய் தனது எஸ் பிக்சர்ஸ் கதவை அறிவழகனுக்காக திறந்து கொடுத்திருக்கிறார் ஷங்கர்.

' கல்லூரி' அலுவலகம் இயங்கிக் கொண்டிருந்த இடத்தில் தனது படத்துக்கான 'ஸ்கிரிப்ட்' வேலையில் பிஸியாக இருக்கிறார் அறிவழகன்.

படத்தின் பெயரும், நடிகர்களும் இன்னும் தேர்வு செய்யப்படவில்லை.