கறார் கவுண்டமணி

கிச்சா இயக்கும் தங்கம் படத்தில் கவுண்டமணி சத்யராஜ் காம்பினேஷனில் காமெடி கலக்கலாக வந்திருக்கிறதாம். நீண்ட நாளுக்கு பின் கவுண்டமணியின் காமெடி புத்துணர்வுடன் வெளிப்பட்டிருக்கிறது என்று கோடம்பாக்கத்தில் பேச்சு கிளம்பி இருக்கிறது.

இதனை கேள்விபட்ட பல நடிகர்களும ், தயாரிப்பாளர்கள் தங்கள் படங்களில் கவுண்டமணியை ஒப்பந்தம் செய்ய அணுகியிருக்கிறார்கள்.

ஆனால் கவுண்டரோ தங்கம் படம் ரிலீஸாகட்டும். அதற்கு பின் வரும் வரவேற்பை பார்த்து என் சம்பளத்தை முடிவு செய்த பின்தான் படத்தில் ஒப்பந்தம் ஆவேன் என்று தெளிவாக கூறிவிட்டாராம்.

என்றைக்கும் கவுண்டமணி சம்பள விசயத்தில் விட்டுக் கொடுக்கவே மாட்டார் என்று பேசிக் கொள்கிறார்கள்.