இசைப்புயல் ஏ.ஆர்.ரஹ்மான் வரும் செப்டம்பர் மாதம் 22-ம் தேதியில் இருந்து 30-ம் தேதி வரை பிரிட்டன் நாட்டில் ’இன்ட்டிமேட்’ என்ற பெயரில் இசை நிகழ்ச்சிகளை நடத்த தீர்மானித்துள்ளார். இந்நிகழ்ச்சிகளுக்கான டிக்கெட் முன்பதிவு தற்போது நடைபெற்று வருகிறது.
வரும் செப்டம்பர் மாதம் 22-ம் தேதி லண்டன் நகரிலும், 24-ம் தேதி பிர்மிங்ஹம் நகரிலும், 29-ம் தேதி லீட்ஸ் நகரிலும், 30-ம் தேதி மான்செஸ்ட்டர் நகரிலும் ஏ.ஆர்.ரஹ்மானின் ’இன்ட்டிமேட்’ இசை நிகழ்ச்சிகள் நடைபெறுகிறது.
இந்நிகழ்ச்சிகளில் தமிழ், இந்தி, பஞ்சாபி உள்ளிட்ட மொழிகளில் அவர் இசையமைத்த படங்களில் இடம்பெற்ற பிரபலமான பாடல்களை மிகப்பெரிய இசைக்குழுவினருடன் பின்னணி பாடகர்-பாடகியர் பாடவுள்ளனர்.