இந்தியா-வெஸ்ட் இண்டீஸ் முதலாவது டெஸ்ட் இன்று தொடக்கம்

இந்தியா - வெஸ்ட் இண்டீஸ் கிரிக்கெட் அணிகள் இடையிலான முதலாவது டெஸ்ட் போட்டி ஆன்டிகுவாவில் இன்று தொடங்குகிறது.

4 போட்டி கொண்ட டெஸ்ட் தொடரில் பங்கேற்பதற்காக விராட் கோலி தலைமையிலான இந்திய கிரிக்கெட் அணி வெஸ்ட் இண்டீசில் சுற்றுப்பயணம் மேற்கொண்டுள்ளது. முதலில் இரு பயிற்சி ஆட்டங்களில் இந்திய அணி விளையாடியது. அவ்விரு ஆட்டங்களும் ‘டிரா’வில் முடிந்தன.

இந்த நிலையில் இந்தியா-வெஸ்ட் இண்டீஸ் அணிகள் மோதும் முதலாவது டெஸ்ட் போட்டி ஆன்டிகுவாவில் உள்ள சர் விவியன் ரிச்சர்ட்ஸ் ஸ்டேடியத்தில் இன்று தொடங்குகிறது. புதிய பயிற்சியாளர் அனில் கும்பிளேவின் ஆதரவில் இந்தியா அடியெடுத்து வைக்கும் முதல் சர்வதேச போட்டி என்பது குறிப்பிடத்தக்கது.

இந்திய நேரப்படி இரவு 7.30 மணிக்கு தொடங்கும் இந்த டெஸ்ட் போட்டியை டென்2, டென்3, டென்1 எச்.டி. சேனல்கள் நேரடி ஒளிபரப்பு செய்கின்றன.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்