ஹ்ரித்திக் ரோஷன், டைகர் ஷ்ராப் இணைந்து நடிக்கும் “வார்” திரைப்படத்தின் டீசர் இன்று வெளியானது.
”பேங் பேங்” திரைப்பட இயக்குனர் சித்தார்த் ஆனந்த் இயக்கத்தில் ஹ்ரித்திக் ரோஷன், டைகர் ஷ்ராப் இணைந்து நடித்திருக்கும் படம் “வார்”. ஹாலிவுட்டுக்கு நிகராக ஆக்ஷன் சண்டை காட்சிகளுடன் உருவாகி இருக்கும் இந்த படத்தை தயாரித்திருக்கிறார் யாஷ் ராஜ் பிலிம்ஸ் ஆதித்யா சோப்ரா.
இந்த படத்தின் டீசர் இன்று மாலை வெளியானது. நீண்ட நாட்களுக்கு பிறகு ஹ்ரித்திக் ரோஷன் நடிக்கும் ஆக்ஷன் படம் என்பதால் ரசிகர்களிடையே மிகப்பெரிய எதிர்பார்ப்பு இருந்தது. அதை பூர்த்தி செய்யும்படி படத்தின் டீசர் இருக்கிறது. பல நாடுகளில் ஆக்ஷன் காட்சிகளை எடுத்திருக்கிறார்கள். டீசர் ரிலீஸ் ஆன 3 மணி நேரத்திற்குள் 65 லட்சம் பார்வையாளர்களை கடந்து சாதனை புரிந்திருக்கிறது. இந்த திரைப்படம் அக்டோபர் 2 அன்று திரைக்கு வர இருக்கிறது.