இருக்கிற அனைத்து கடவுள்களாலும் ஆசிர்வதிக்கப்பட்டவர் என்றால் அது சல்மான் கானாகத்தான் இருக்க வேண்டும். நடைபாதையில் தூங்கியவரை கார் ஏற்றி கொன்ற வழக்கு, மான் வேட்டையாடிய வழக்கு என்று சாதாரணர்கள் வாழ்நாள் முழுதும் சிறையில் இருக்க வேண்டிய வழக்குகளில் வெகு சாதாரணமாக வெளியே வந்துவிட்டார் சல்மான். அவர் நடித்த படம் என்னடாவென்றால் உலக ஓட்டம் ஓடுகிறது.
பீயிங் ஹ்யூமன் என்ற உடைகள் தயாரித்து விற்கும் சல்மான் கான், பீயிங் ஹ்யூமன் என்ற பெயரில் நகை வியாபாரத்தில் இறங்க உள்ளார். சமீபத்தில் நடந்த ஒரு விழாவில் சல்மானின் சகோதரி அர்பிதா கான் அதனை உறுதி செய்தார்.
சல்மான் கான் திறக்கவிருக்கும் நகைக்கடையில் 70 சதவீதம் பெண்களுக்கான நகையும், 30 சதவீதம் ஆண்களுக்கான நகையும் இருக்குமாம். பெண்களுக்கு 33 சதவீத இடஒதுக்கீட்டுக்கு திணறும் போது, இதோ சல்மான் தருகிறார் 70 சதவீத இடஒதுக்கீடு.