வெளிநாடுகளில் 92 கோடிகளை வசூலித்த சுல்தான் பாய்

இந்தியாவில் வசூல் சாதனை புரிவது போன்றே வெளிநாடுகளிலும் சாதனை படைத்து வருகிறது சுல்தான். திரையிட்ட அனைத்து வெளிநாடுகளிலும், வீக் எண்ட் ஓபனிங்கில் சுல்தான் முதலிடத்தைப் பிடித்துள்ளது.

ஓபனிங் வீக் எண்ட் சாதனையை பொறுத்தவரை தூம் 3 படம் 10.2 மில்லியன் யுஎஸ் டாலருடன் இதுவரை முதலிடத்தில் இருந்தது. சுல்தான் 13.73 மில்லியன் டாலர்களுடன் அதனை முறியடித்துள்ளது. 

முதல் ஐந்து தினங்களில் சுல்தான் வெளிநாடுகளில் 92 கோடிகளை வசப்படுத்தியுள்ளது. பாகிஸ்தானில் விரைவாக 1 மில்லியன் டாலர்களை கடந்த படம் என்ற பெருமையையும் பெற்றுள்ளது. 

வார நாள்களிலும் சுல்தானின் வசூல் வேட்டை தொடர்ந்தால், இந்திய சினிமாவின் வசூல் சரித்திரத்தில் சுல்தான் மகுடம் சூட்டும் என்பது உறுதி.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்