உலக அளவில் கொரோனாவின் பாதிப்பு நாளுக்கு நாள் அதிகரித்து வரும் நிலையில் தற்போது உலக நாடுகளில் கொரோனாவின் பாதிப்பு எண்ணிக்கை 74,45,945 ஆக உயர்ந்துள்ளது. மேலும் கொரோனாவால் உயிரிழந்தோர் எண்ணிக்கை 4,18,137 ஆகவும் கொரோனாவால் பாதிக்கப்பட்டு குணமடைந்தவர்கள் எண்ணிக்கை 37,25,628 ஆகவும் உள்ளது.
உலக நாடுகளில் கடந்த 24 மணி நேரத்தில் கொரோனா பாதிப்பில் இதுவரை அமெரிக்காவே முதலிடத்தில் இருந்த நிலையில் நேற்று பிரேசில் முதலிடத்தை பிடித்துள்ளது. அந்நாட்டில் நேற்று மட்டும் ஒரே நாளில் 33,100 பேருக்கு கொரோனா உறுதி செய்யப்பட்டது.
2வது இடத்தில் உள்ள அமெரிக்காவில் 20,674 பேர்கள் கொரோனாவால் பாதிக்கபப்ட்டுள்ள நிலையில் இந்தியாவில் 12,375 பேருக்கு நேற்று கொரோனா உறுதியானதால் இந்தியா மூன்றாவது இடத்தை பிடித்துள்ளது. அதேபோல் கொரோனாவால் நேற்று மட்டும் பிரேசில் நாட்டில் 1300 பேர் உயிரிழந்தனர். அமெரிக்காவில் 982 பேர்களும், இந்தியாவில் 388 பேர்களும் உயிரிழந்துள்ளனர் என்பது குறிப்பிடத்தக்கது
மேலும் நேற்று ஒரே நாளில் சிலியில் 5,737 பேர்களும், பெருவில் 5,087 பேர்களும், , பாகிஸ்தானில் 5,385 பேர்களும், செளதி அரேபியாவில் 3,717 பேர்களும், வங்கதேசத்தில் 3,190 பேர்களும், தென்னாப்பிரிக்காவில் 2430 பேர்களும், ஈரானில் 2011 பேர்களும் கொரோனாவால் பாதிப்பு அடைந்துள்ளனர் என்பது குறிப்பிடத்தக்கது