சுவிட்சர்லாந்து நாட்டில் பர்தா அணிய தடை

சுவிட்சர்லாந்து நாட்டின் டிசினோ மாகாணத்தில் இஸ்லாமிய பெண்கள் அணியும் பர்தாவுக்கு தடை விதிக்கப்பட்டுள்ளது.

இந்தத் தடையை மீறி, பெண்கள் பர்தா அணிந்தால் அவர்களுக்கு அபராதம் விதிக்கப்படும் என்று அறிவிக்கப்பட்டுள்ளது.

சுவிட்சர்லாந்தில் நடத்தப்பட்ட வாக்கெடுப்பின் அடிப்படையில் இந்த முடிவு எடுக்கப்பட்டுள்ளது. மேலும், அந்நாட்டு நாடாளுமன்றத்தில் இது குறித்த சட்டம் நிறைவேற்றப்பட்டுள்ளது.

அதன்படி, சுவிட்சர்லாந்தின் டிசினோ மாகாணத்தின் பொது இடங்களில் பர்தா அணிந்து வரும் பெண்களுக்கு ரூபாய் மதிப்பில் 6.5 லட்சம் வரை அபராதம் விதிக்கப்படும் என்று தெரிவிக்கப்பட்டுள்ளது.

இந்த அறிவிப்பு சுற்றுலாப் பயணிகளுக்கும் பொருந்தும் என்பது குறிப்பிடத்தக்கது.