அரசியலில் ஈடுபடும் எண்ணம் இல்லை என பேஸ்புக் நிறுவன தலைவர் மார்க் ஜூகர்பர்க் வெளிப்படையாக தெரிவித்துள்ளார்.
பேஸ்புக் நிற்வன தலைவர் மார்க் அமெரிக்காவில் உள்ள பல மாகாணங்களுக்கு சுற்றுப்பயணம் மேற்கொள்ள உள்ளார். இதனை பலரும் மார்க் அரசியலில் நுழைவதற்கான முயற்சி இது என கூறினர்.
இதனையடுத்து இது குறித்த குழபத்திற்கு மார்க் பதிலளித்தார். அவர் கூறியதாவது, சமூகம் குறித்து தெளிவானா, ஆழமான பார்வையை பெறவே சுற்றுப்பயணம் மேற்கொள்ள உள்ளேன்.
என்னுடைய புத்தாண்டு உறுதிமொழிப்படி, அமெரிக்காவின் 50 மாகாணங்களில் உள்ள மக்களையும் சந்தித்து பேச வேண்டும். அதற்காவும் இந்த பயணத்தை மேற்கொள்கிறேன்.
சமூகத்தை புரிந்து கொள்வதால் என் சிந்தனை தெளிவாவதுடன், அதன் மூலம் இந்த சமூகத்துக்கு என்ன செய்வது என முடிவெடுக்க உள்ளேன்.
இதனால், நான் அரசியலில் ஈடுபட உள்ளதாக நினைப்பது தவறு. எனக்கு அரசியலில் ஈடுபடும் எண்ணமும், ஆசையும் இல்லை என தெரிவித்துள்ளார்.
