எம்பிபிஎஸ், பிடிஎஸ் படிப்புகளுக்கான இரண்டாம் சுற்று கலந்தாய்வு: இன்று தொடக்கம்..!

எம்பிபிஎஸ் மாற்றம் பிடிஎஸ் படிப்புகளுக்கு முதலாம் கட்ட கலந்தாய்வு ஏற்கனவே முடிவடைந்த நிலையில் இன்று முதல் இரண்டாம் கட்ட கலந்தாய்வு ஆன்லைனில் தொடங்கியுள்ளதாக தகவல் வெளியாகியுள்ளன. 

2023 - 24 ஆம் கல்வி ஆண்டு எம்பிபிஎஸ் மற்றும் பிடிஎஸ் படிப்புகளுக்கு சமீபத்தில் முதல் சுற்று கலந்தாய்வு முடிவடைந்தது. பொது பிரிவு கலந்தாய்வு ஆன்லைனிலும் அரசு ஒதுக்கீட்டு இடங்களில் 7.5% உள் ஒதுக்கீட்டின் கீழ் அரசு பள்ளி மாணவர்களுக்கான கலந்தாய்வு நடைபெற்றது. 

இந்த நிலையில்  காலியாக உள்ள இடங்களை நிரப்புவதற்கு இரண்டாம் கட்ட கலந்தாய்வு ஆன்லைனில் தொடங்கியது. ஆகஸ்ட் 24-ம் தேதி காலை 10 மணி முதல் 28-ம் தேதி மாலை 5 மணி வரை இடங்களை தேர்வுசெய்ய வேண்டும். 

ஆகஸ்ட் 29, 30-ம் தேதிகளில் தரவரிசைப் பட்டியல் அடிப்படையில் கல்லூரிகளில் இடங்கள் ஒதுக்கீடு செய்யப்படும். 

ஆகஸ்ட் 31-ம் தேதி இடஒதுக்கீடு செய்யப்பட்ட விவரங்கள் இணையதளங்களில் வெளியிடப்படும். 

செப்டம்பர் 1-ம் தேதி முதல் 4-ம் தேதி மாலை 5 மணி வரை இட ஒதுக்கீட்டு ஆணையை இணையதளங்களில் இருந்து டவுன்லோடு செய்துகொள்ளலாம் என்று அறிவிக்கப்பட்டுள்ளது.

Edited by Siva