''மீண்டும் தேர்தலில் போட்டியிட விரும்புகிறேன்''- அமெரிக்க அதிபர் ஜோ பைடன்

அமெரிக்க நாட்டில் கடந்த 2020 ஆம் ஆண்டு நடந்த அதிபர் தேர்தலில் டொனால்ட் டிரம்பை எதிர்த்து ஜோ பைடன் போட்டியிட்டார்.

இதில், ஜோ பைடன் வெற்றி பெற்று அமெரிக்க அதிபராகப் பதவி வகிக்கிறார்.

இந்த நிலையில் அமெரிக்க நாட்டில் அடுத்தாண்டு (2024) அதிபர் தேர்தல் வரவுள்ளது. இத்தேர்தலில், முன்னாள் அதிபர் டொனால்ட் டிரம்ப்  மீண்டும் போட்டியிடவுள்ளதாக அறிவித்துள்ளார்.

அதேபோல், தற்போதைய அதிபர் ஜோ பைடனும் இத்தேர்தலில் இரண்டாவது முறையாக அதிபர் தேர்தலில் போட்டியிடுவதாக  அறிவித்துள்ளார்.

இதுகுறித்து அவர் ஒரு தொலைக்காட்சிக்கு அளித்துள்ள பேட்டியில், அடுத்த அதிபர் தேர்தலில் நான் போட்டியிட விரும்புகிறேன். ஆனால், உறுதியான முடிவை எடுக்கவில்லை. எனக்கு உடன் நல பிரச்சனைகள் இருந்தாலும், மக்களுக்குப் பணியாற்றி நேர்மையுடன் இருப்பேன் என்று தெரிவித்துள்ளார்.