ஆஸ்திரேலியா நாட்டில் வணிக வளாகம் ஒன்றில் சிறிய ரக விமானம் பாய்ந்து விபத்துக்குள்ளானது. இதில் 5 பேர் பலியாகியுள்ளனர்.
ஆஸ்திரேலியா நாட்டின் மெல்போர்ன் நகரில் இந்த விபத்து நிகழ்ந்துள்ளது. டாஸ்மானியா மற்றும் ஆஸ்திரேலியா இடையே உள்ள கிங் தீவுகளை சுற்றிப் பார்ப்பதற்காக, 5 பேரை ஏற்றிக்கொண்டு, சிறு ரக விமானம் ஒன்று எஸ்ஸன்டன் விமான நிலையத்தில் இருந்து புறப்பட்டது.
ஆனால், புறப்பட்ட சில நிமிடங்களிலேயே கட்டுப்பாட்டை இழந்த விமானம், அருகாமையில் உள்ள வணிக வளாகம் ஒன்றுக்குள் பாய்ந்தது.
அந்த சிறு ரக விமானத்தில் 5 சுற்றுலா பயணிகள் இருந்துள்ளனர். அவர்கள் அனைவரும் உயிரிழந்திருக்கலாம் என அஞ்சப்படுகிறது.
மேலும், வணிக வளாகத்திற்குள் இருந்த ஆட்களின் நிலை என்னவென்று தெரியவில்லை. இதனால், இந்த விபத்தில் உயிரிழந்தோர் எண்ணிக்கை எதிர்பார்த்ததைவிட அதிகமாகவே இருக்கும் எனக் கூறப்படுகிறது.
