சீனாவில் பரவி வரும் கொரோனா வைரஸ் ரஷ்யாவில் பரவினால் தடுப்பூசியை கண்டுபிடிக்க 6 மாதங்களாகும் என ரஷ்ய சுகாதாரத்துறை தெரிவித்துள்ளது.
கோரானா வைரஸால் சீனாவில் 9 பேர் உயிரிழந்துள்ள நிலையில் ஜப்பான், தைவான், தென் கொரியா, தாய்லாந்து, அமெரிக்கா ஆகிய நாடுகளில் இந்த வைரஸ் தாக்கம் பரவியுள்ளது.
இந்நிலையில் கொரோனா வைரஸ் ரஷ்யாவில் பரவினால் அதற்கான தடுப்பூசியை கண்டுபிடிக்க குறைந்தது 6 மாதங்களாவது ஆகும் என ரஷ்யாவின் சுகாதாரத்துறை அமைச்சகம் தெரிவித்துள்ளது. இதற்கான நிதி ஒதுக்கப்பட வேண்டும் எனவும், மேலும் சோதனைக்கு 6 மாத காலம் தேவைப்படும் எனவும் சுகாதாரத் துறை அமைச்சகத்தின் இணை இயக்குனர் ஷிபுலின் தெரிவித்துள்ளார்.
தங்களது நாடுகளில் கொரோனா வைரஸ் பரவுவதை தடுக்க உலக நாடுகள் முன்னெச்சரிக்கை நடவடிக்கை எடுத்து வருகிறது என்ற செய்தி குறிப்பிடத்தக்கது.