அமெரிக்காவின் ஆணவத்தை அடக்குவோம் என்று ஈரான் தலைமை மதகுரு அயதுல்லா அலி கமேனி கூறினார்.
இதுகுறித்து அவர் தனது கட்டுரையில் தெரிவித்துள்ளதாவது, ஆணவத்துக்கு எதிராக ஈரான் எவ்வாறு போராட வேண்டும் என்று பல்கலைக்கழக மாணவர்கள் என்னிடம் தொடர்ந்து கேட்டு வருகிறார்கள். ஆணவத்துக்கு எதிராகப் போராடுவது புரட்சிகரமான கொள்கைகளில் ஒன்றாகும். அவ்வாறு செய்யவில்லையென்றால் நாம் புனித குரானைப் பின்பற்றுபவர்களாக இருக்க முடியாது.
ஆணவத்துக்கு சிறந்த உதாரணம் அமெரிக்கா. அதன் ஆணவத்தை அடக்குவோம். அதனை எதிர்த்துப் போராடத் தயாராகுங்கள் என்று தெரிவித்துள்ளார். அணு சக்தி ஆராய்ச்சியில் ஈடுபட்டுள்ள ஈரான், அணு ஆயுதம் தயாரிப்பதைத் தடுக்கும் பொருட்டு, அந்நாட்டின் மீது கடுமையான பொருளாதாரத் தடைகளை அமெரிக்கா விதித்துள்ளது.
ஈரானின் அணு ஆராய்ச்சி தொடர்பாக, மேற்கத்திய நாடுகளுடனான பேச்சுவார்த்தை இழுபறியில் உள்ளது. இந்நிலையில், ஈரானின் தலைமை மதகுரு அமெரிக்கா குறித்த கருத்தை வெளியிட்டுள்ளது குறிப்பிடத்தக்கது.