பாகிஸ்தானுக்கு அமெரிக்கா F - 16 ரக போர் விமானங்களை விற்றுள்ளது. ஆனால் அதே சமயத்தில் அதனை இந்தியாவிற்கு எதிராக பயன்படுத்தக்கூடாது என்று பாகிஸ்தானுக்கு எச்சரிக்கையும் விடுத்துள்ளது.
இந்த மாத முடிவில் F- 16 ரக போர் விமானங்கள் 18 பாகிஸ்தான் வந்து சேர்கிறது. சமீபத்தில் இந்தியா-அமெரிக்கா இடையே நடைபெற்ற பேச்சு வார்த்தைகளின் போது பாகிஸ்தானுக்கு அமெரிக்கா செய்யும் பெரிய அளவிலான ராணுவ உதவி குறித்து இந்தியா தன் கவலையை தெரிவித்தது.
இதனையடுத்து அமெரிக்கா இந்த எச்சரிக்கையை விடுத்துள்ளது. மேலும் பாகிஸ்தான் எந்த எதிர்கால வேற்றுமை நிலையிலும் இந்தியாவுக்கு எதிராக ஆயுதங்களை பயன்படுத்தக்கூடாது என்று பாகிஸ்தானுக்கு நிபந்தனை விதித்துள்ளதாக ஒபாமா நிர்வாகம் உறுதி அளித்திருந்தது.
F- 16 போர் விமானங்களுடன் அமெரிக்க விமானப்படை பொறியியலாளர்களும் பாகிஸ்தான் விமான தளத்திற்கு வருகை தருகின்றனர். தாலிபான், அல்-கய்டா ஆகியோருக்கு எதிராக பாகிஸ்தான் மேற்கொள்ளும் நடவட்க்க்கைகளையும் இவர்கள் மேற்பார்வையிடவுள்ளார்கள் என்று தகவல்கள் தெரிவிக்கின்றன.
