வனுவாத்துவில் பயங்கர நிலநடுக்கம்

தெற்கு பசிபிக் நாடான வனுவாத்துவில் இன்று ரிக்டர் அளவுகோலில் 7.1 என்று பதிவான நிலநடுக்கம் ஏற்பட்டது.

இன்று மதியம் இந்திய நேரம் 12.40 நிமிட அளவில் இந்த நிலநடுக்கம் ஏற்பட்டது. தலைநகர் போர்ட் விலாவுக்கு 206 கிமீ தென் கிழக்கில் இதன் மையம் இருந்ததாக அமெரிக்க புவியியல் ஆய்வு மையம் தெரிவித்துள்ளது.

இதனால் சுனாமி எச்சரிக்கை எதுவும் விடுக்கபடவில்லை. சொத்துக்களுக்கு சேதமோ, உயிர்ப்பலியோ இதுவரை இல்லை.

இப்பகுதி பசிபிக் ரிங் ஆஃப் பயர் பகுதியில் இருப்பதால் நிலநடுக்கங்கள் அதிகம் ஏற்படும், எரிமலை வெடிப்புகளும் அதிகம் என்பது குறிப்பிடத்தக்கது.

English Summary: A 7.1-magnitude earthquake struck off the South Pacific island nation of Vaunatu on Friday, the U.S. Geological Survey said.