உலகக்கோப்பை கால்பந்து: முதல் போட்டியில் ரஷ்யா அபார வெற்றி

உலகம் முழுவதும் கோடிக்கணக்கான ரசிகர்கள் எதிர்பார்த்த உலகக்கோப்பை கால்பந்து போட்டி இன்று ரஷ்யாவில் கோலாகலமாக தொடங்கியது. இன்றைய முதல் போட்டி ரஷ்யா மற்றும் சவுதி அரேபியா அணிகள் மோதின.

பலம் வாய்ந்த சவுதி அரேபியா அணியை சொந்த நாட்டில் விளையாடும் தைரியத்தில் ரஷ்ய அணி ஆக்ரோஷமாக எதிர்த்து விளையாடியது. இந்த போட்டியில் ரஷ்யா அணி, சவுதி அரேபியா அணியை 5-0 என்ற கோல் கணக்கில் வீழ்த்தியது. ரஷ்யாவின் யூரி கசின்ஸ்கி முதல் கோலையும்,  ரஷ்ய வீரர் டெனிஸ் செரிஷேவ் இரண்டாவது கோலையும், ரஷ்யாவின் சயூபா 3வது கோலையும், ரஷ்யாவின் டெனிஸ் 4வது கோலையும், ஆட்டத்தின் கடைசி நிமிடத்தில் ரஷ்யா மற்றொரு கோல் அடிக்க, முடிவில் 5-0 என கோல் கணக்கில் அபாரமாக வென்றுள்ளது ரஷ்ய அணி.

பலம் வாய்ந்த அணியாக கருதப்பட்ட சவுதி அரேபியா அணியால் ஒரு கோல் கூட போட முடியவில்லை என்பது அந்நாட்டு ரசிகர்களுக்கு ஏமாற்றமாக இருந்தது. முதல் போட்டியில் அபார வெற்றி பெற்ற ரஷ்ய அணிக்கு வாழ்த்துக்கள் குவிந்து வருகிறது