ஜி.கே.வாசன் மீது திடீர் வழக்கு

தேர்தல் விதிமுறைகளை மீறியதாக கூறி தமாகா தலைவர் ஜி.கே.வாசன் மீது போலீசார் வழக்கு பதிவு செய்தனர்.

கன்னியாகுமரி மாவட்டத்தில், தேமுதிக மற்றும் தமாகா மற்றும் மக்கள் நல கூட்டணி வேட்பாளர்களை ஆதரித்து தமாகா தலைவர் ஜி.கே.வாசன் வாக்கு சேகரித்தார்.

அப்போது, பத்மநாபபுரம் தொகுதிக்கு உள்பட்ட இரவிபுதூர்கடை பகுதியில் தேமுதிக வேட்பாளர் ஜெகநாதனை ஆதரித்து வாக்கு சேகரித்தார். இதனால் அந்த பகுதியில் கடும் போக்குவரத்து நெருக்கடி ஏற்பட்டது. இது குறித்து தேர்தல் அதிகாரிகளிடம் சிலர் புகார் செய்தனர்.

இதனையடுத்து, தேர்தல் அதிகாரிள் நடத்திய விசாரணையில், அந்த பகுதியில் தேர்தல் பிரசாரம் செய்ய தமாகா தலைவர் ஜி.கே.வாசன் மற்றும் தேமுதிக வேட்பாளர் ஜெகநாதன் ஆகியோர் தேர்தல் கமிஷனின் முறையான அனுமதி பெறவில்லை என தெரிய வந்தது.

இதையடுத்து, தமாகா தலைவர் ஜி.கே.வாசன் மற்றும் தேமுதிக வேட்பாளர் ஜெகநாதன் ஆகியோர் மீது போலீசார் வழக்கு பதிவு செய்தனர்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்