வலிமை படத்தின் பிஜிஎம்க்காக ஒரு மாதம் எடுத்துக் கொள்ளும் யுவன்!

வலிமை படத்தின் பின்னணி இசைப் பணிகளை விரைவில் தொடங்க உள்ளார் யுவன் ஷங்கர் ராஜா.

நடிகர் அஜித் நடித்து எச்.வினோத் இயக்கத்தில் தயாராகியுள்ள படம் வலிமை. போனி கபூர் இந்த படத்தை தயாரிக்க யுவன் சங்கர் ராஜா இசையமைத்துள்ளார். படப்பிடிப்பு தொடங்கி வருடங்கள் ஆகியும் படம் குறித்த அப்டேட் வெளியாகாமல் இருந்து வந்ததால் ரசிகர்கள் பலர் அப்டேட் கேட்டு அதை வைரலாக்கி வந்தனர்.

இந்நிலையில் சமீபத்தில் வலிமை படத்தின் ஃபர்ஸ்ட் லுக், மோஷன் போஸ்டர் மற்றும் முதல் சிங்கிள் பாடலும் வெளியாகி பெரும் வைரலானது. இந்நிலையில் தற்போது வலிமை திரைப்படம் குறித்து முக்கிய அறிவிப்பை வெளியிட்டுள்ள தயாரிப்பாளர் போனிக்கபூர் வலிமை திரைப்படம் 2022ம் ஆண்டு பொங்கலுக்கு வெளியாவதாக அறிவித்துள்ளார். வலிமை ரிலீஸ் தேதி அறிவிக்கப்பட்டதை அஜித் ரசிகர்கள் ட்ரெண்ட் செய்து கொண்டாடி வருகின்றனர்.

இந்நிலையில் படத்தின் பின்னணி இசைப் பணிகளை இன்னும் சில நாட்களில் யுவன் தொடங்க உள்ளாராம். படத்தின் பின்னணி இசைக்காக மட்டும் ஒரு மாதம் எடுத்துக் கொள்ள உள்ளாராம் யுவன்.